მეცხრე დღე

     დღეს ტრენინგის მეცხრე დღეა. დავასრულეთ  Intel-ის  ტრენინგი. ჩვენი პროექტის პორტფოლიო ავტვირთეთ ბლოგზე. მოვახდინეთ  პროექტების პრეზენტაცია. ეს ტრენინგი ძალიან ნაყოფიერი და საინტერესო იყო ჩემთვის.

მადლობა ჩვენს ტრენერს ხათუნა ციხელაშვილს.

მერვე დღე

    დღეს გავწერეთ აქტივობები სხვადასხვა  შესაძლებლობების მოსწავლეებისათვის, დავასრულეთ საპროექტო გეგმაზე მუშაობა. შევავსეთ ყველა პუნქტი, პორტფოლიოს საქაღალდე გადავიტანეთ ღრუბლებში, გავეცანით საინტერესო საგანმანათლებლო საიტებს.

მეშვიდე დღე

    მეშვიდე დღეს გავაკეთეთ შეფასების მოკლე მონახაზი. ამ მონახაზში დავწერეთ ჩვენს მიერ არჩეული შეფასების მეთოდების და ინსტრუმენტების  გამოყენების მიზანი, მოვიფიქრეთ აქტივობები ჩვენი მიზნებიდან გამომდინარე, გავწერეთ სასწავლო პროცედურები, ასევე შევიტანეთ საბაზისო უნარ-ჩვევები.

მეექვსე დღე

    
       დღეს განვიხილეთ შეფასების სხვადასხვა ფორმები. გავაკეთეთ  მოსწავლის სავარაუდო ნაშრომისათვის პრეზენტაციის ჩეკლისტი, შემდეგ მოცემული ჩეკლისტის მიხედვით შევქმენით მოსწავლის სავარაუდო ნაშრომი პრეზენტაციის სახით. ჩვენი პრეზენტაცია ავტვირთეთ ღრუბლებში.

მეხუთე დღე

       დღეს ვისაუბრეთ შეფასების სხვადასხვა მეთოდებზე, განვიხილეთ შეფასების ხუთი სტრატეგია, ვიხილეთ თითოეულ სტრატეგიაში შესული შეფასების მეთოდები და ინსტრუმენტები. ასევე განვიხილეთ თითოეული სტრატეგიის გამოყენების მიზნობრიობა. შევავსეთ შეფასების გეგმა და შევქმენით პრეზენტაციის შეფასების რუბრიკა.

მეოთხე დღე

   დღეს ვნახეთ ბლუმის ტაქსონომიის სიტყვები, გადავხედეთ ზმნებს და დოკუმენტი შევინახეთ კურსის რესურსებში. გავეცანით მიმართულების მიმცემი საკვანძო კითხვების პრეზენტაციას. ვისაუბრეთ ზოგად, თემატურ და შინაარსობრივ კითხვებზე. მოვიშველიეთ მიმართულების მიმცემი საკვანძო სიტყვების რჩევების დოკუმენტი. მოვიფიქრეთ კითხვები პროექტისათვის, დავწერეთ ელექტრონულ ღრუბლებში, გავუზიარეთ ტრენერს და ერთმანეთს, მივეცით უკუკავშირი.

მადლობა ყველას!

ტრენინგის მესამე დღე

     მესამე დღეს მოვიძიეთ ჩვენი პროექტისათვის საგნობრივი სტანდარტიდან შედეგები და ინდიკატორები (საიტი - ncp.ge), გადმოვიტანეთ გეგმის შაბლონში  და შერჩეული ინდიკატორებიდან გამომდინარე დავწერეთ სასწავლო მიზნები, რომლებიც განვიხილეთ ჯგუფში და შევიტანეთ ჩვენს გეგმაში.

მეორე დღე

      დღეს  გავიხსენეთ წინა დღის ტრენინგ-მასალა, ვისაუბრეთ პროექტის დაგეგმვის მნიშვნელობაზე. შევქმენით პროექტის პორტფოლიო, შევინახეთ პროექტის გეგმის შაბლონი, 21-ე საუკუნის უნარ-ჩვევები და პროექტის მახასიათებლის ჩეკლისტი. ჩეკლისტის მაგალითზე განვიხილეთ, თუ რა არის ის და როგორ უნდა გამოვიყენოთ შეფასებისას. 

ვიმსჯელეთ საპროექტო იდეებზე და ვუპასუხეთ შეფასების წინასწარი დაგეგმვის კითხვებს და გავუზიარეთ ერთმანეთს საპროექტო იდეები, შევჯერდით საბოლოო იდეებზე.  

დიდი მადლობა!

პირველი დღე

     პირველ დღეს გავეცანით ინტელის ძირითად სასწავლო კურსს. თავდაპირველად ვნახეთ ინტელის შესახებ ვიდეორგოლი, შემდეგ გავეცანით ინტელის ელექტრონულ სახელმძღვანელოს და ვისწავლეთ ნავიგაცია.  ასევე გავეცანით ინტელის ძირითადი კურსის შაბლონს, განვიხილეთ - 21-ე საუკუნის უნარ-ჩვევები, ვნახეთ ახალი საინტერესო საიტი ncp.ge, სადაც მოცემულია ეროვნული  სასწავლო გეგმის პორტალი. შევქმენით ბლოგი და დავწერეთ პირველი სასწავლო დღის რეფლექსია.